dimanche 30 juillet 2017
MINTÉN MI MALÉP
MINTÉN MI MALÉP
1)
Hiléléba
2)
Lingen
3)
Lipôô
4)
Lom
5)
Sesep = sehep
6)
Tataba
7)
Titimba
8)
Tuye
Yaônde,
13 njéba 2017
Nkam
Pondi Pondi
http://antoinepondipondi.blogspot.com
MÔI MA BIOMB
1- Bikeket
2- Bikungi
3- Bômlikôt (ba
nje bé nye)
4- Dinyet
5- Minkôñ
6- Minlongo
7- Ngindbataa
(ba nje bé nye)
8- Ngoñoo (ba nje
bé yo)
9- Nwañ
10- Omb njéé (ba
nje bé yo)
11- Siklogo
12- Tede (ba nje
bé nye)
YAÔNDE,
11 njéba 2017
Nkam Pondi Pondi
http :
//antoinepondipondi.blogspot.com
LIKIL HI KOKOK
Ingéda
i bet ba nyi mam ba mbénge njelek yoñ, ba ntehe le we nyen u nke bé kikii i
nsômbla, u nyi bé bok mam moñ, hanyen ba ñep we le kil hi kokok.
Ngim dikuu di moni kikii bo fonds monétaire international, di nke biloñ
bi Afrika, biloñ bipe kikii loñ i Grékia, loñ i Argentine i ke bisu i téé likot
masangô biloñ bi mpa bé ño inyuule biloñ bi ,bi nla habé saa i moni ba nkôle tole
i nkus ba nsomb. Hala a nla lôl le biloñ bi, bi nsômb nkus biloñ bipe i lel i
nkus ba nuñle bini biloñ bipe. Biloñ bi,
bi hôya le :kul nye hikii mut a
kéhnege bot i ntel wé. Hala a nla ki lôl le ngim loñ i ñôô bé bisélél gwé,
i mbañ bé bee gwé, i nsal bé bijek gwé, i nyo bé maog mé ndi ki Hilôlômbi a bi
ti man mee mbén bisu i ngéda bôt ba kôba ba bé nyodi i Ngog Lituba le: a man
mee, u je bañ bijek, u nyo bañ maog ma loñ i ñane we, tigale u yila nkol u loñ
i. Ibale bo u ñôô bé bisélél gwoñ, u mbañ bé bee gwoñ, u nsal bé bijek gwoñ ndi,
u nyo maog ma biloñ bipe wa ba nkol u loñ i pe. Hala a yé nlélém inyuu ngim loñ,
ngim litén, ngim ndap bôt i ke bisu. Inyuu hala nyen ngomin a nla habé saa babôñôl
bé inyuule a mbep gwélél moni mi loñ, a nsomb i ngwom bi tabé nseñ inyuu bon ba
loñ, a nsal ni oñ ngim gwom bi njubus bé nye moni mi nsômbla inyuu mahol ma loñ.
Hanyen u nok le loñ i njôp i koñ i lôla.
Likil hi
kokok hala wee liyi bok mam ma likot masangô ma ngim loñ.
Yaônde, 03 njéba 2017
Nkam PONDI PONDI
http://antoinepondipondi.blogspot.com
|
LIHAA
LIHAA
Di nla
kobol i bug ini ni kal le hala a yé bôt ba nlôl matjél mada. Hala wee bôt ba
nlôl ndap yada. Jon mut a gwé lihaa i pes isañ ni i pes nyañ. Jon u nog le, mut a nyég bé liwo li nlal isañ, i ke li
nlal nyañ. Inyuu i boñ le lihaa li kee ni bisu nyen u nog le, isoñ a yég, yag we u yég. Hala we hikii
man mee a nlama bii to biiba le a wo bañ
likondo li bebee tole a téé nlondog le, me nwo nso tole me mbélél
mbog. Hémle i bôt ba kôba i niiga bés le i bôt ba nwo ni i bôt ba yé i niñ
ba nôgla ikété ngim mangand.
Yaônde, 16 kondoñ 2011
Nkam PONDI PONDI
NWA MBOMBOG
NWA MBOMBOG
Ba
nyil nwa mbombog le a bi kap matuk. Hala wee i kel ba bé sayap nlôm mbombog, a
bé a téé ikegi yé. Matuk mana ma
mboñ le a ta ha bé kikii bana bôdaa ba pe. Loñ i nyi le nyen a yé i pañ
mbombog. I yokel ki nu ba nsayap mbombog, nwa a nhaba nhundul. I man mana mo imaa ma mboñ le mut a toñ bañ le mbus ño
i nwa mbombog i tis isi to nañ le a bédi nye i ngii, wee a mbegee i jéé.
I nwa nunu nyen a yé kindad. Hala wee
ibale u nlo i tehe mbombog ndi ba kal we lea ta bé, nwet u nlama yis malo moñ a
yé kindag.
Yaônde, 12 biôôm
2016
Nkam Pondi Pondi
http:/antoinepondipondi.blogspot.com
LÉK
LÉK
Di
nla kobol i buk ini le lék ni kal le hala a yé ngui hiañngaa to hié bi mpémés.
Di
nla ki kobol i buk ini le lék ni kal le hala a yé libim li ngap to libim li
lihep li yé ngim homa.Hala a nlôl i ngwéé bitutunga bi nke. Inyuu hala nyen ingéda
u mbép libam ni hama, i homa u mbibil, u nok nye a nlék.Hala a ñunda we libak
li lék. Hala wee u ôt libim li lék li yé ha. Ingéda mut a nkon lihep, nyuu yé i
nlék ingéda u ntihba nye. U nlama yoñ lék i mut.Hala a yé nlélém ingéda u
ntihba i hiobi ini le linyuma.A nti we ngui linyuma.Kii i nyuu linyuma i nti
ngui linyuma? Ibale u nyoñ nkôô mamuna ni nkôô i zinc, hala a nti we ngog linyuma.I
ngog linyuma ini yon i mboñ le lambe i nloñ, le nkuu mahop i mpot i ke
bisu. Yom i nla suune lék i yé malép, matai i ke bisu. Jon u nok le: u yé u lék, u la hinoo.
Yaônde, 27dipos
2016
Nkam Pondi Pondi
http://antoinepondipondi.blogspot.com
SESEMA INYUU BÉBA
SESEMA INYUU BÉBA
Ingéda mam ma ntagbe longe i ngand mbog,
mbombog a bé a ôm mbom yé bisu bi ño i ntômba. I bôt ba ngwel ntômba i bé i
témb ni mbus ndi to i nkwo isi le i mal wo. Hanyen
mbombog a béé a kal loñ le jega. Ndi to njee bé nyen a bé je i ntomba ini.Ba bé
ba mal je. Bambombog ba bé ba sayap litén le nsañ i ba, le ndutu i ba bañ, le
mahol ni mahol, maséé ni maséé. Bambombog ba bé bôdôl bisai gwap haana
le : « makeñ ma lisee ma helek
matjee ; loñ i neebe le matjee ».
I ntômba i nwo, i yé sesema inyuu béba,
i i yé inyuu loñ. Mbom ini mbombog a ñôm bisu bi ño i ntômba, i yé i pahal ki bibôñôl
bibe bi bon ba loñ gwobisôna ingii yé. Ndi a lôôs gwo ño i ntômba. Ntômba i ya begee
bibôñôl gwap bibe gwobisôna i ngii yé. Hala a bé bôña i ngim hilo
hi mbôm nwéhél i kel Ngand mbog. Hala a yé litéñ inyuu bon ba mee mba ni mba
inyuu bibéba gwap gwobisôna. Ni bôt ba kôba ba bé yônôs matéak ma Hilôlômbi, ni
tééda ki matéñ ma Hilôlômbi le ba hiumul ikété yap. Bôt ba kôba ba bé yi le
Hilôlômbi nyen a bi tohol bo i gwét bi bi juba i ngog lituba ni i bôt ba bé
gwés le, bôt ba kôba ba jôp i base i baôm mbom isi
Yaônde,
10 biôôm 2016
Nkam Pondi Pondi
http://antoinepondipondi.blogspot.com
SOÑNDA
SOÑNDA
Hala a yé le u ntibil
yoñ ngéda inyuu i ôt mahoñol i ngim jam. Inyuu i boñ i jam lini, u nlama ba
ñwee, u nlama wan, u nlama bénge, u nlama nigil, u nlama hek ndi to u nti
mahoñol moñ.
U nlama ki ba mut a nyi
gwel nyemede inyuu i yi bénge libag joñ wemede ni maboñog moñ. Inyuu hala nyen, wa bana longe soñnda. I yom i, yon ya
boñ we le, u yi ngembee mam. U yi ni le, ngui biyi i nlôl bé maliga ma biyi ndi
miñañ mi biyi, i neebe bôt ba neebe biyi bini ni libag li, biyi bi nkiha ni niñ
i bôt. Jon sañ yon i mboñ mut le a ba maséé i niñ a niñ i nkoñ isi.
Ndi inyuu i bana soñnda, u nlama
ba mut a gwé mbôm minkañ mi yé isi, hala nyen a hôla we i yi mbog kôba ni kwañ.
Ni ha, wa nwas biyôglô bi mam, u yila ngwélés maboñog moñ ni lipodog joñ. Wa yi
i mbog u nke, wa yi i yom u ntoñ, wa yi i yom u nlama boñ. Mu i njel yoñ nyen
wa sôk batbat lee, b’a niñ i ngwé ngim nseñ noñnaga ni binoode bi mam u ntehe? A
ô, he nyoo bé. Jon u nlama toñ i
niñ ni makénd. U nlama niñ ni pék.
Yaônde,
24 kondoñ 2006
Nkam
Pondi Pondi
http://antoinepondipondi.blogspot.com
Inscription à :
Articles (Atom)