NJIIHA

NJIIHA

 

Di nla kobol i buk ini le njiiha ni kal le hala a yé soso ndudu. Mut a gwé njiiha ni kon wé, mut a gwé njiiha ni nduña yé, mut a gwé njiiha ni nyemb a nkôhna i ke bisu.

Ingéda mut a gwé njiiha, a nyi bé i njel a noñ, a nyi bé i jam a boñ, a nyi bé i het a nigbene inyuule a nhoñol le ba nyôi nye i ke bisu.

Base i sôkbôk i nniiga bés le u nlama témb yak Hilôlômbi nyetama inyuule nyen a yé njel, nyen a yé gwéha, nyen a yé mapubi, nyen a yé maliga. Maliga mé ma yé nlélém tjai di tjai. Jon ba nsébél nye le Kimaltjai. Hilôlômbi nyen a yé niñ inyuule Hilôlômbi a yé i boga ni boga. U nla nigbene i tôl Hilôlômbi. Jon ti ñem woñ yak Hilôlômbi nu a bi tohol bôt ba kôba i gwét bi Ngog lituba ni i bôt ba bé gwés le ba jôp i base i baôm mbom isi. Hilôlômbi nyen a yé Ntat woñ. Hilôlômbi a ti we pék inyuu i ôô bisélél gwoñ, i bañ bee gwoñ ni sal bijek gwoñ. Masoda ni nu a nkil hi kokok.

 

 

 

Yaônde, 17 matôp 2016

   Nkam Pondi Pondi

http://antoinepondipondi.blogspot.com

NGUI MINSOLA MI GWOM

NGUI MINSOLA MI GWOM

 

Minsola mi gwom mi na mi yé : Hisi, Malép, Hié ni Ngoa.

HISI hi yé lisélél li wom. Hi ngwel ndi hi yoñok. Héhla i lipémba li hisi i nyon ni i jés bés.

MALÉP ma mmélés nyus. Lép u nke kikii njok i nke i yégék matin. Héhla i lipémba li malép i nene ingéda malép ma mélés bés nyus.

HIÉ hi yé tén mapubi. Hié hi nligis ndi hi tiblag. Héhla i lipémba li hié i nene ni ti bés mapubi.

NGOA i nti niñ. Ngoa i nhôla nhébég ni i yibil bilap. Héhla i lipémba li ngoa i yôni bés ni liyibil bilap.

Ngim gwom i nla ba ngim biyimbne hanano inyuu liada jés ni minsola mi gwom bini inyuu i ba ntat wés.

 

Yaônde, 14 matôp 2016

                                                                     NkamPondiPondi

http://antoinepondipondi.blogspot.com

 

 

NYUU I NKON WE WOÑI

NYUU I NKON WE WOÑI

 

          Di nla kabol i buk ini ni kal le hala a yé ntôñ i yubda i nyuu mut ni mahoñol ma mut. Hala a nla lôl lihep, kon i noña, i sehla ñem, i njom makanba i ke bisu.

          Ingéda nyuu i nkon we woñi u ta bé nwee, u nyi bé gwel nyuu yoñ to mahoñol moñ. Boña woñ a ta bé nwee inyuule u nyi bé i yom i nla pémél we.To bijek u nje bi nkwo bé we libum longe inyuule u nyi bé i yom i ntééga we.

 

 

Yaônde, 14 matôp 2016

                                                                            NkamPondiPondi

http://antoinepondipondi.blogspot.com

 

 

NOMBA SAAMBOG

NOMBA SAAMBOG

 

UM a gwé matén ma saambog. Mon ma yé : Ndôg Tjok , Ndôg Njee, Ndôg Tindi, lôg Ngônd, lôg Baék, Ndôg Kôbe ni Ndôg Nen. Sondi i gwé dilo di saambog : ngwa njangumba, ngwa um ,ngwa ngé, ngwa mbog, ngwa koo, ngwa jôn ni ngwa noi. Mangôdô ma tjémbi ma yé ma saambog. Nyum i gwé nyuu i saambog tole bilañ bi saambog : tindi, bas ngii, blu, kwemkwem, njoinjoi, maômaô ni kôyôp. Ño mut i gwé majubul ma saambog.

 

Nomba saambog a yé bayôdô.

 

Yaônde, 03 matôp 2016

NkamPondiPondi

http://antoinepondipondi.blogspot.com

 

 

 

 

 

 

 

 

 

 

 

 

 

 

 

 

 

 

YI NI HEÑ

YI NI HEÑ

 

               Di nla kobol i buk ini le yi ni kal le hala a yé ngui noga, hala a yé i tééda i boña,  hala a yé mboda mam mut a nigil, nok to tehe, to nôgda i ke bisu. Jon u nok le : mut a mal bé yi. Hala wee u nlama ndigi nigil hingéda.  Jon u nok le : u yik len u yi bé yani. Hala wee mut to wada a nyi bé i mam maga gwéla yani, ndigi ma a mmal tehe len. Inyuu hala nyen u nok le: mut a nyi bé bisu bi mbog . Hala wee mut to wada a nyi bé mam momasôna. Jon a nok le : yi i ngi kônde i ntek bé mal. Hala wee mbog i niiga we njel i nke yak Hilôlômbi. Mbog i nti yi ni i njel mbog bihégél, mbog i nyibil bilap hala wee mam ma sôli. Jon mut a nlama heñ inyuu i yéñ yi, yéñ Hilôlômbi, i yi mbog, i yéñ i yi nyemede, bilem gwé bi lam ni bi be i ke bisu.

 

        Di  nla kobol i buk ini le heñ ni kal le hala a yé i boñ le u yémbél, hala a yé i boñ libim u nla , hala a yé lia ni jam li ñidil we, hala a yé noode i ke bisu.

 

        Mut a nlama yi le a nla bé bana yi ibale bo a nheñ bé.  Jon u nok le :Koo i nje bé i édi.

 

        Masoda ni nu a  nkil hi kokok.

 

 

Yaônde, 10 matôp 2016

NkamPondiPondi

Httpt//antoinepondipondi.blogspot.com