LONGE LIBOGOK

LONGE LIBOGOK

 

 Di nla kobol i buk ini le longe ni kal le hala a yé jam li lam, libak li tabé libe.

 

Di nla kobol i buk ini le libogok ni kal le hala a yé jam tole yom mut a mbok hala wee a mbii kikii i nsômbla, a mbii i oda, a ntibil niñ, a ntibiltéé i ke bisu. Hala a yé nlélém inyuu Hilôlômbi.

 

Di nla kobol longe libogokni kal le hala a nlona nsañ i pes mahoñol ni niñ bôt ba ngim ndap bôt, ngim litén, ngim loñ, ngim nlôñ, ngim ntôñ i ke bisu. Halaangwaladna, libô, manôgla, like njel yada i ke bisu, i pôla bôt bana. Hala ankôhna maséé i ñem, i mis i ke bisu.

 

 

Yaônde, 26 dipos 2015

NkamPondiPondi

http://antoinepondipondi.blogspot.com

 

 

 

 

U GWÉS MUT U MBÉP BÉ NGWO YÉ

U GWÉS MUT U MBÉP BÉ NGWO  YÉ

 

Di nla kokol i ngén ini ni kal le ingéda u ngwés mut, u ngwés bé le yom yé i ôbi. Ingéda u nkal le u ngwés Hilôlômbi, u nlama gwélél mambén mé. Hala wee u nlama bé je bijek, u nlama bé nyo maog ma loñ i ňane  wetigale u nyilankol i loñ i . Mbén bisu Hilôlômbi a bi ti bôt ba kôba i Ngog Lituba ingéda a bi hôla bogwét ni i bôt ba bé gwés le ba jôp i base i baôm mbom isi. Ingéda u nje bijek, u nyokmaôg ma loñ  iñane we, makon ma nlo bijek bi ni maog ma, u nyi bé mo to bee bi ntibil makon ma.Hala wee u nlama somb bee nkén  loñ i mbañ inyuu matibla moñ. Mbén bisu Hilôlômbi a bi ti bôt ba kôbai ñane man mee le a sal bijek gwé, a bañ bee gwé, a ôô bisélél gwé ndi a nuñul bijek gwé, maog mé, bee gwé ni bisélél  gwé ni nkoñ hisi. Mbén i yôhne ibaa Hilôlômbi a bi ti bôt ba kôba i Ngog Lituba i nkal le man mee a nuñlene bañ biték gwé mut a ta bé man mee. Inyuu le Hilôlômbia bi gwés litén li mee ndi a  bôn bôt  ba kôba le a ti bo nkoñ.Litén le mee li kap nkoñ u mandap ma bôt i ke bisu.Hilôlômbi a biilihat mu i nkoñ u le man mee a yep bañ ni jis li mbôngôô. I man mee a nuñlene biték gwé mut a ta bé man mee wee a ngwés  béHilôlômbi. Mbén i yôhneiaa Hilôlômbi a bi ti bôt ba kôba i Ngog Lituba yon i kal le : munlôm a haba bañ mbod mudaa to mudaa  a haba bañ mbod munlôm. Hilôlômbi nyen a bi heg we jon u nla ba maséé le a  nheg we munlôm tole mudaa.Inyuu hala nyen munlôm a ngwés Hilôlômbi a nlama tééda libak jé li munlôm nlélém inyuu mudaa Hala wee munlôm a ôbôs bañ hégél Hilôlômbi yak mudaa a ôbôs bañ hégél Hilôlômbi.

Masoda ni nu a nkil hi kokok

 

Yaônde, 01 biôôm 2015

NkamPondiPondi

http://antoinepondipondi

U HOB LE U ÑEE MANYUÑ, U HEM BÉ JÔL?

U HOB LE  U ÑEE MANYUÑ, U HEM BÉ JÔL?

Di nla kobol i ngén ini ni kal le to mut a sal kikii kii a kôli ni noi. Hala wee mut a nlama noi , ngim ngéda i yé le mut a kôli le a noi.Le a waa sal inyuu i bénge nyemede ni mut numpe. Hala a mpamna mut i ba  kunde, i bana ngim ngéda inyuu yé, le nyen a nyi kikii a ngwélél ngéda yé.Jon mut a nlama sal bijek gwé, a nlama ôô bisélél gwé, a nlama bañ bee gwé, a nlama nuñul maog mé, bijek gwé, bisélél gwé ni bee gwé ni nkoñ hisi.

Noi i nhôla we le u ôt sitok i niñ yoñ ni i mam ma mpémél we. Kunde i ta bé yom ba nti we. U nlama jo sañ i bana kunde. Kunde i yé yom mut a nkadal. Kôt ni kôt i ntek bé tôp ngom. Hala wee mut a téé,a nlama noye.

 

Yaoundé, 07 dipos 2015

NkamPondiPondi.

http://antoinepondipondiblogspot.com

 

 

 

                                    

BISAI BI NOÑ MAANGE MANÔGLA

BISAI BI NOÑ  MAANGE MANÔGLA

Di nla kobol i ngén ini ni kal le i maange a  nôgôl bagwal bé a ga niñ longe niñ. Maange a nlama yi le isañ bo nyañ bon ba bi gwal nye jon a nlama nôgôl bagwal bé. Maange a ntep bé isañ to nyañ. Maange  a nlama noñ makeneg ma bagwal bé. Jon u nok le :  i kai nyañ kembee a nje yon yak man a nje. Maange a nlama nigil i pañ bagwal bé inyuu i boñ le a boñ bañ dihôha, le a kil hi kokok. Inyuu  hala nyen maange a nlama bana suhul inyuu, a nlama bana mban, a nlama yoñ ngéda i emble bagwal bé , i nigil i pañ bagwal bé. Maage a nlama ti mbôkgwé lipém ni i mut a yé nye mañ.

 

 

Yaoundé, 07 dipos 2015

NkamPondiPondi.

http://antoinepondipondiblogspot.com

 

B’A BIBÔÑÔL BI NNIIGA BÉS MATEHE MÉS ?

B’A BIBÔÑÔL BI NNIIGA BÉS MATEHE MÉS ?

 

Di nla kobol i buk ini le bibôñôl ni kal le hala a yé gwom ba ngwélél, gwom ba nsélél, gwom ba mbônôl i ke bisu.

 

Di nla kobol i buk ini le niiga ni kal le hala a yé i lôôs yi tole biniigana yak ngim bôt.  

 

Di nla kobol i buk ini le matehe ni kal le hala a yé ngap i hégda mam ma nlo, tehe wada ni nuu, ngui i tehe jam.

 

         Bibôñôl bi nniiga bés matehe més ni injel ini le bi nti bés  yi i tehe pék i nwet bibôñôl, maông ma bibôñôl, nseñ i bibôñôl i ke bisu.Bibôñôl bi mboñ le boña wés a nsal, mis més ma nyibla, mahoñol ma nlo bés  i ke bisu.

 

 

Yaônde, 07 dipos 2015

NkamPondiPondi

http://antoinepondipondi.blogspot.com

 

NJEL MBÉN

NJEL MBÉN

 

        I yé ntjep i mbén i ñunda manjel ma mbok ni ti bikéhene ngui i nwan mahop, i kéés mahop ni i gwélél mbagi bikéhene le i yon ni yiba.

        Di nla ki kal le njel mbén i nkal i mam ma nlama bôña i nwaa nkéés a njôp ikété mbén le a pémés mbagi hop.

        Di nla kal le njel mbén i ñunda maông, i nkal we kikii u nlama téé makôô, i mam u nlama boñ ni i mam i ñane we le u nlama boñ tigale pos i jôp matiñ ni nneebe tole i mbén ni ngwés gwélél.

        Njel mbén i yé minkogo mi matiñ mi nyis we i mam u nlama ndugi boñ noñnaga ni mbén tas, mbén nteba, mbén maoñ, mbén nyunga, mbén jem, mbén nson, mbén disi, mbén ngomin i ke bisu le mut nyekinye a nlama bé bôk. Tigale a ke habé ni bisu inyuule a kônde ke i jam a mboñ li li gwé habé mahee. Njel mbén i nneebe bé i jam li.

        Yom u nlama tééda, yo ini le, njel mbén i ntat le yubda i ba bañ ni i njel ini le u nlama nôñôl hi kokok. I yom njel mbén i nyi bé, u nla bé jubus yo ikété njel mbén wee u mbôk mbén. Njel mbén yon i ntééda kunde bikéhene, mambén, bôt ba binam, matiñ i ke bisu.

Yaônde, 15 matumb 2016

NkamPondiPondi

http://antoinepondipondi.blogspot.com