mardi 15 juillet 2014

Mut hiôdôt i mbom


MUT HIÔDÔT I MBOM

         Di nla kal le hala a yé mut a nloo bôt bape inyuu bisai Hilôlômbi a nti nye.Jon u nok le :ba ñog bé saibak.Hala wee biog bi nhôla bé to jam inyuu mut Hilôlômbi a nsayap.Bisai bi Hilôlômbi bi mboñ i mut nunu le i mam a mboñ ma nene kikii mapubi,kikii njel bôt bape ba nlama noñ inyuu niñ longe niñ,inyuu i boñ longe,inyuu i pôt maliga,inyuu i kôp nsañ,inyuu i yoñ ndémbél ni niñ a niñ i ke bisu.Mu i njel i nyen liboñok jé li mam li nene kikii kééne ngén.

         Mut hiôdôt i mbom a mbéna bé tôl i ngim ndap bôt,i ngim litén to i ngim loñ.Ingéda wada a mpam,numpe a nla ki nene i mbus bo mbôgôl nwi to i lel ha .

                                                                               Yaônde,20 mpuye 2014

                                                                                   Nkam Pondi Pondi

                                                    http://antoinepondipondi.blogspot.com

Hanngaa


HAÑNGAA

         Di nla kobol i buk ini ni kal le hala a yé mbôm hiôdôt i mbay,i nti mapubi binjamuha.Nyen a gwé kel,niñ,mapubi ni nyemb.Ibale bo hañngaa i ta bé yom i ño bé.Hon i nkap kel.Nyen a gwé ngeñ ni heñel jôi kikii hañngaa i nke.A mpam,a nañlag ba homa ibaa.Likôl ni hyông.Hañngaa i yé i pôôna ni sôñ,hi mbay,hi nwek,hi lihgaga.A gwé nyum.Hañngaa hi nkidip bé.Hi mbet kekela i pam hi nañal.Ingéda hañngaa hi nyon,hi nyila jop.Jon ba nkal le jop li nkwo ingéda hañngaa hi yé i ñem kédé.Yak jôp li nkwo.Jôp li yé i ñem kédé nyuu mut.

         Bôt ba kôba ba bé sébél ki Hilôlômbi le HAÑNGAA iyuule Hilôlômbi nyen a nti niñ,nyen a nyoñ niñ,nyen a mboñ mam ingéda yé.Ngéda Hilôlômbi i ta bé ngéda mut.

                                                                                Yaônde,22 mpuye 2014

                                                                                Nkam Pondi Pondi
                                                    http://antoinepondipondi.blogspot.com

Mut hiôdôt i mbom


POT LI MAL

 

         Di nla kobol i buk ini le pot ni kal le hala a yé i pémés i nyo woñ jam u nhoñol,hala a yé i kal mut numpe mahoñol moñ i ke bisu.

         Di nla kobol i buk ini le mal ni kal le hala a yé i pamna lisuk,hala a yé i sugus ngim jam,hala a yé i mélés ngim jam,hala a yé ki témna mbôô i ke bisu.

         Di nla kobol pot li mal ni kal le hala a yé mahoñol ma mpam lisuk le mpénda a ta bé,le i yom i mpam i nyo yon i mbôña,hala wee pot ni boñ bi yé jam jada.

         Bôt ba kôba ba bé sébél ki Hilôlômbi le POT LI MAL inyuule i yom a mbôn a nyônôs yo,a mpot mpaha,a mpot bé miseebe.Jon bôt ba kôba ba bé nigbene i tôl Hilôlômbi,ba bannga banga bot-ñem ni Hilôlômbi ni Hilôlômbi a bé i ñem i hikii man mee.

                                                                      Yaônde,14 mpuye 2014

                                                                      Nkam Pondi Pondi

                                          http://antoinepondipondi.blogspot.com

Pot li mal


POT LI MAL

 

         Di nla kobol i buk ini le pot ni kal le hala a yé i pémés i nyo woñ jam u nhoñol,hala a yé i kal mut numpe mahoñol moñ i ke bisu.

         Di nla kobol i buk ini le mal ni kal le hala a yé i pamna lisuk,hala a yé i sugus ngim jam,hala a yé i mélés ngim jam,hala a yé ki témna mbôô i ke bisu.

         Di nla kobol pot li mal ni kal le hala a yé mahoñol ma mpam lisuk le mpénda a ta bé,le i yom i mpam i nyo yon i mbôña,hala wee pot ni boñ bi yé jam jada.

         Bôt ba kôba ba bé sébél ki Hilôlômbi le POT LI MAL inyuule i yom a mbôn a nyônôs yo,a mpot mpaha,a mpot bé miseebe.Jon bôt ba kôba ba bé nigbene i tôl Hilôlômbi,ba bannga banga bot-ñem ni Hilôlômbi ni Hilôlômbi a bé i ñem i hikii man mee.

                                                                      Yaônde,14 mpuye 2014

                                                                      Nkam Pondi Pondi

                                          http://antoinepondipondi.blogspot.com

Nkindil hisi


NKINDIL HISI

         Di nla kobol i buk ini le nkidil ni kal le hala a yé mut a mbudul yom,a nyibil yom,a nti yo niñ i ke bisu.

Di nla kobol i buk ini le hisi ni kal le hala a yé biték,hala a yé lipan,hala a yé nkoñ,hala a yé lisélél li wom i ke bisu.Ba njul bôt ikédé hisi.

         Bôt ba kôba ba bé sébél ki Hilôlômbi le NKINDIL HISI inyuule nyen a bi ti bo yi ni pék le ba laa sal bijek gwap,le ba yi gwélél lingwañ li hisi kikii bumb,gôl,mpuma,mamuna,muli,lingénd inyuu i ôô bisélél gwap,bie ni mabui inyuu i bañ bee gwap i ke bisu.Ingéda mut a nkindil ngim yom,hanyen a nla tehe i yom i yé ikédé yom i,hanyen a nyi i yom i yé ikédé yom i.Jon u nok le :ñyéé i nke bé mañan matehe ngwé.Hilôlômbi nyen a bi hôla bôt ba kôba le ba tehe lingwañ li hisi,hala wee ba ba bañ ikédé jiibe li ndim,hala wee Hilôlômbi a bi hôla bôt ba kôba le ba tehe mapubi,le ba ba i pes mapubi ma yéne iyuu i boñ le ba ba ngwélés,le ba niñ longe niñ i ke bisu.

                                                                             Yaônde,14 mpuye 2014

                                                                              Nkam Pondi Pondi
                                                   http://antoinepondipondi.blogspot.com

Nwet ngui yosô

NWET NGUI YOSÔ
                  Di nla kobol i buk ini le nwet ni kal le hala a yé mut yom to gwom bi yé i gwé.Jon u nok le :li lama hee !u bat nwet.Hala wee u be bañ jam li mut le li yé lilam we ngi bat nwet.
                  Di nla kobol i buk ini le ngui ni kal le hala a yé ngap i boñ jam to mam.Ngui i nene ingéda ngim mut,ngim loñ to ngim yom i ñénél mut numpe,loñ ipe to yom ipe i boñ ngim jam.Jon u nok le :pôndôl i yôñlak i janda.Hala a yé yimbne ngui.
                  Di nla kobol i buk ini le yosô ni kal le hala a ntôla,hala wee to homa a nyégle habé.
                  Bôt ba kôba ba bé sébél ki Hilôlômbi le NWET NGUI YOSÔ inyuule ngui yé i mpam homa nyensôna,i nene homa nyensôna.Jon bôt ba kôba ba bé ba gwééne Hilôlômbi bot-ñem le mut nyekinye a nla bé tuga nye i boñ i jam a bi bôn bôt ba kôba le a bôñôl bo.Bôt ba kôba ba yik le NWET NGUI YOSÔ hala wee ba bé tehe mbimba Hilôlômbi.
                                                                                Yaônde,14 mpuye 2014
                                                                                  Nkam Pondi Pondi
                                                   http://antoinepondipondi.blogspot.com